Julefest i Norheimsund

juletrefest_20145. juledag arrangerer Norheimsund Indremisjon julefest for heile familien! Festen startar kl. 18.30. Det vert musikk ved Tom A. Berstad og Øyvind Kleven. Anne C. Børsheim og Hans Arne Børsheim syng. Det vert andakt ved Hans Arne Børsheim, leikar, kollekt, festmat og juletregange. Velkomen til store og små!

Gjevarteneste

Mange Takk!

Me er veldig takksame for alle som er med på fast gjevarteneste til Norheimsund Indremisjon og til ungdomsarbeidaren vår. Og også alle små og store gåver som kjem inn direkte på kontoar til Indremisjonen. Dette gjer at vi kan oppretthalda det gode arbeidet vidare – Ordet om Jesus Kristus til bygdene våre.
Har du anledning til å støtte?
Om du har anledning til å gje ei gåve til arbeidet, kan du setje inn di gåve til kontonummer: 3530.20.31469
Vil du støtte fast, og samtidig få igjen på skatten for dette, les det som står om
fast gjevarteneste.
 
Mange takk for alle bidrag.
Norheimsund Indremisjon

Julekonsert i Norheimsund 10. desember

Julekonsert 14 plakatOnsdag 10. desember kl. 20.00 arrangerer Norheimsund & Øystese Ungdomskor julekonsert i Norheimsund bedehus. Ungdomskoret med solistar og orkester framfører nye og gamle julesongar. Årets gjester er Harald Kjosås og ein trio frå barnekoret Shine beståande av Randi Gravdal, Kaisa Engeseth Andersen og Astrid Helena Klyve. Billettane kostar kr. 150,- for vaksne og kr. 50,- for barn/student. Velkomen til ei fin førjulsstund i Norheimsund bedehus!

Fint overskot for julemessa!

NLM_2-RGBJulemessa i Norheimsund fekk inn kr. 181.000 brutto, fordelt på kr. 38.000 på loddsal før messa og kr. 143.000 på julemessedagen. Takk til alle som støtta misjonssambandet sitt arbeid, m.a. i prosjektet «Redusere mor-barn-dødelegheit i Etiopia».

Julemesse

NLM_2-RGBLaurdag 22. november vert det julemesse i Norheimsund bedehus. Det blir sal av julebakst og matvarer av mange slag, samt og husflids- og hobbyvarer. Kafeen i kjellaren er open heile dagen. Her kan du kjøpe bl.a. gode rundstykke, festkaker og kaffi. Sal av graut frå ca kl. 13.00. Overskotet frå julemessa går til NLM sitt arbeid i Noreg, Afrika, Asia og Sør-Amerika. I år støttar Julemessa spesielt prosjektet ”Redusering av mor-barn-dødelighet” i Etiopia.

Programmet for dagen ser slik ut:
Kl. 10.00: Julemessa opnar
Kl. 11.30: Åresal
Kl. 12.00: Misjonssamling. Orientering om prosjektet
Kl. 13.00: Salet held fram
Kl. 14.30: Familiesamling m/ åresal og hovudtrekning (barnekoret Shine syng)

Etiopia-misjonær Kjell Håland blir med på samlingane.
Arrangør er Norheimsund, Tørvikbygd og Øystese Misjonssamband (NLM)

Velkomen til julemesse!

Rejoice 6. – 8. november

plakat rj14Origo UNG ynskjer velkomen til tolvte utgåve av Rejoice! Ungdomskonferansen vert arrangert i Norheimsund bedehus 6. – 8. november. Velkomen til møte, konsertar, lovsong, bøn, seminar og fellesskap i Norheimsund bedehus! Årets talarar er Lars Magne Ådnanes (IMS), Linda Aase (IMS) og Lisbeth Fredheim Oma.

Gospel Bergen kjem til Rejoice!
Gospel Bergen kjem til Rejoice!
Fredag blir det konsert med Gospel Bergen og laurdag blir det lovsongskonsert med ulike aktørar. Norheimsund & Øystese Ungdomskor deltek på nokre av møta.
Klikk her for program, info og påmelding. Velkomen til Rejoice 2014!

Songmøte

bedehus-002d1Tysdag 28. oktober kl. 19.30 vert det songmøte i Norheimsund bedehus. Me får høyra om bakgrunnen for nokre av våre kjente bedehussongar, og me skal synga dei saman. Det blir songar frå Noreg, Sverige, Afrika, Amerika og Israel. Andakt av Johnny R. Knudsen. Velkomen!

Ungdomsweekend på Helgatun 17. – 19. oktober

17. – 19. oktober reiser Norheimsund & Øystese Ungdomskor, Krik Kvam og Origo ungdomsklubb på tur til Helgatun. På programmet står blant anna bli-kjent-kveld, natursti, uteaktivitetar, bibeltimar, korøving og underhaldningskveld. Påmeldinga har starta. Send epost til vidar.sangolt@imf.no dersom du vil vere med. Marta og Fredrik Gravdal blir med som bibeltimehaldarar i år. Her finn du meir info om turen.