Torsdag 13. mars kl. 18.00 er du velkomen til årsmøte for Øystese Indremisjon (ØIM) i Øystese bedehus. Det blir val, gjennomgang av årsmelding og årsrekneskap og samtale om arbeidet. Velkomen til årsmøte!
Basar fredag 14. mars
Det Norske Misjonsselskap (NMS) sine foreiningar i Vikøy og Norheimsund skal ha basar fredag 14. mars i Norheimsund bedehus kl. 18.30. Det vert andakt av Sokneprest Johnny Knudsen. Heims Musikklag skal spela og me skal ha servering. Åretrekningar og trekking av loddbøkene. Det er alltid kjekt med basar. Me har ein gild kveld saman, samtidig som me får gi ei gåve til det viktige arbeidet som NMS gjer i mange land. Det vert loddsal på Rema 1000 og Coop Prix i Norheimsund. Velkomne på basar!
Ungdomskoret samarbeider med HimalPartner
Kvart år reiser Norheimsund & Øystese Ungdomskor på turné i vinterferien for å samle inn pengar til eit prosjekt. Dette året går turen til Østfold og Akershus. I løpet av ei lita veke skal koret halde konsertar rundt om i fylka. Base blir på Solbukta Ungdomssenter i Gresvik utanfor Fredrikstad. I år blir det samla inn til eit HimalPartner-prosjekt i Nepal. Prosjektet støttar arbeidet som blir drive mellom psykisk utviklingshemma og mentalt sjuke i Kathmandu, Nepal. Målet er at dei sjuke kan få eit liv der dei blir inkludert i samfunnet og blir respektert som verdifulle menneske. Turnékostnadane betaler ungdommane sjølve, så alle innsamla midlar går uavkorta til koret sitt misjonsprosjekt.
Fortsett å lese «Ungdomskoret samarbeider med HimalPartner»
Felles sundagsmøte og storsamling 16. februar
Norheimsund bedehus søndag 16. februar kl. 11.00: Vi får vitjing av (biletet), ein av redaktørane i Dagen. Ho har skrive mykje om kristenforfylgjinga ute i verda. Særleg har våre kristne brør og systre i dei islamistiske og kommunistiske diktatur det vanskeleg. Denne forfylgjinga vert lite omtala i dei store media. Difor har vi eit ansvar med å gjera dette kjent slik at vi kan vise omsorg for dei både i bøn og praktisk. Jesus seier til læresveinane at dei kjem til å bli forfylgde i verda. Og sanneleg har dei kristne blitt forfylgde til alle tider. I våre dagar er det mange millionar og ca. 6-7000 (Dagen 6/12-13) vert drepne kvar år. Korleis stiler vi oss til dette? Kan vi vera likesæle til ein slik urett? I 1.Joh.3,17 stiller apostelen eit nærgåande spørsmål: ”Men den som har meir enn nok å leva av, og likevel let att hjarta sitt når han ser bror sin lida naud, korleis kan han ha Guds kjærleik i seg?” Kari Fure vil fortelja meir om dette under tema: Religionsfridom. Dette føremiddagsmøtet vert i lag med Storsamlinga. Vel møtt!
Årsmeldingar Norheimsund Indremisjon 2013
Velkomen til årsmøte i Norheimsund Indremisjon fredag 7. februar kl. 18.30. Her kan du lese årsmeldingar for Norheimsund Indremisjon, Husstyret for Norheimsund bedehus, Storsamlinga, Origo Ungdomsklubb, Krik Kvam, Norheimsund & Øystese Ungdomskor, Junior Ving, samt sjå årsrekneskap og oversikt over kven som stiller til val i år.
Fortsett å lese «Årsmeldingar Norheimsund Indremisjon 2013»
Medlemsbrev for Norheimsund Indremisjon
Her kan du lese medlemsbrevet for januar 2014.
Fortsett å lese «Medlemsbrev for Norheimsund Indremisjon»
Julefest i Øystese
Sundag 29. desember (5. juledag) kl. 17.00 vert det julefest i Øystese bedehus! På programmet står blant anna andakt v/ Lisbeth Fredheim Oma, juletregang, sanginnslag og kaffi og kaker. Det blir tatt opp kollekt til Strømmestiftelsen. Alle er velkomne! Arr.: ØIM
Julekonsert i Norheimsund
Torsdag 5. desember kl. 20.00 arrangerer Norheimsund & Øystese Ungdomskor julekonsert i Norheimsund bedehus. I tillegg til ungdomskoret deltek vokalgruppa Poco Rubato (Ranveig Bjelland, Åslaug Sætrenes, Nancy Karine Sangolt, Anna Mette Klyve, John-Sindre Sætrenes, Magnus Hisdal, Gaute Klyve) og David Almenning. Billettane kostar kr. 150,- for vaksne og kr. 50,- for barn/student. Velkomen!
Vellukka Rejoice!
Rejoice 2013 blei arrangert helga 8. – 9. november. Nesten hundre ungdommar var samla til møte, konsertar og seminar. Tema var «Glede». Her kan du sjå ein liten videosnutt frå fredagskvelden på Rejoice.
Månadens profil – oktober 2013
Det er oktober og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – oktober 2013: Anne Margrete Vestbøstad. Her kan du sjå dei andre som har vore månadens profil.