På det ekstraordinære årsmøtet 9. mars vart Vidar Grindheim vald som ny styreleiar i Norheimsund Indremisjon. Han har også tidlegare fungert som lagsleiar for NIM. Me ynskjer Vidar velkomen tilbake!
Treng du forbøn?
Kvar onsdag morgon kl 08.00 er det bønemøte i kjellaren i Øystese bedehus, i regi av Øystese Indremisjon og Øystese kyrkjelyd. Me kan be for deg! Treng du forbøn eller har du eit bøne- eller takkeemne, kan du senda ein e-post til Hans Kristian Bjelland (hkbjel@broadpark.no). Me vil be for deg og/eller det du vil me skal be for når me samlast.
Ungdomskoret arrangerer basar
Sundag 18. mars kl. 16.00 arrangerer Norheimsund & Øystese Ungdomskor basar i Norheimsund bedehus. Det vert både boktrekning og åretrekningar. Arne Opsahl-Engen held andakt og ungdomskoret syng. Konferansiér er Geir Johnny Undal. Det er mange flotte gevinstar. Hovudgevinsten er ein godt utstyrt kajakk. Ta med vener og familie og kom på basar!
Ungdomskoret klar for turné
Fredag 24. februar reiser Norheimsund & Øystese Ungdomskor på turne til Telemark. Base blir i Skien. Koret skal ha møte og konsertar i Skien, Stathelle, Porsgrunn, Kviteseid og Langesund. I år samlar koret inn midlar til eit Ungdom i Oppdrag-prosjekt blant Arsi-folket i Etiopia. Prosjektet går ut på å skaffe midlar til byggjing av kristne skular og barnehagar i mulimsk oråde. Prosjektet er støtta av Norad. Medlemmene betalar turen sjølve, så alt som kjem inn går uavkorta til prosjektet. Reisfylgje tel totalt 40 personar. Måndag 5. mars kl. 19.30 kan du høyre koret i Øystese kyrkje. Då inviterer foreldregruppa i koret til heimkomefest. Ver med å be for turneen!
Barnehelg i mars
Helga 9. – 11. mars arrangerer Norheimsund Indremisjon barnehelg i Norheimsund bedehus. Tema er «Jesus som vegvisar». Barne- og ungdomsarbeidar i IMS, Ragnhild Nesse (bilete), kjem på besøk. Det vert song, andakt og leik og moro på samlingane. Fredag er det samling med pizza kl. 18.00. Laurdag er det samling med laurdagsgraut kl. 13.00. Helga vert avslutta med storsamling sundag kl. 17.00. Velkomen!
Nytt styre i Øystese Indremisjon
På årsmøtet for Øystese Indremisjon onsdag 15. februar vart det valt nytt styre. Det nye styret består av Harald Kjosås, Lisbeth Hanne Fredheim Oma, Astri Soldal og Andreas Ølfarnes. Anna Mette Hals Klyve er varamedlem. Styret har ikkje konstituert seg enno.
Månadens profil – februar 2012
Det er februar og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – februar 2012: Øyvind Kleven.
Årsmelding for storsamlingane 2011
Her kan du lese årsmeldinga for storsamlingane i 2011.
Årsmøte i Norheimsund Indremisjon
Fredag 3. februar kl. 18.30 er du velkomen til årsmøte for Norheimsund Indremisjon (NIM) i Norheimsund bedehus. Arne Opsahl-Engen skal ha andakt. Det blir val, gjennomgang av årsmelding og årsrekneskap, samtale om arbeidet, samt pause med enkel servering. For å spare litt tid på årsmøtet, legg me ut årsmelding og årsrekneskap for NIM, samt årsmeldingane frå dei ulike undergruppene av NIM her på bedehusweb.no. Du må logge deg på med passord for å kunne lese årsmeldingane. Passordet blir sendt ut til alle medlemmene i NIM på sms i dag. Velkomen til årsmøte!
Klikk her for å lese årsmeldingane.
Månadens profil – januar 2012
Det er januar og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – januar 2012: Ingrid Selvik Undal.