Forfatter: admin2

Årets nykommer er lokal TV-sending frå det som skjer på bedehusa i Norheimsund og Øystese.  Laurdag 20. februar kan du få det med deg på direkten!  Det vert direktesending frå Øystese bedehus og opptak med innslag frå barne- og ungdomskor, klubbar og aktivitetar i bedehusa, direktesendt trylling, intervju, solosong, andakt, konkurransar, innsamlingsaksjon til arbeidet på bedehusa m.m.   

Samla heile familien og få med deg sendinga kl. 18.30.  Programmet blir sendt på Facebooksida til Øystese Indremisjon.

VELKOMMEN TIL FELLESSKAP PÅ TVERS AV GENERASJONAR, BYGDER OG NEDSTENGING!  Her vert det noko for alle!

Arr.: ØIM og NIM

Det vert møte på nett i tysdag 9. februar kl. 19:30. Pålogging: https://grannehjelpa.whereby.com/solhaug. Du kan logge deg på frå kl. 19:10. Det er best å logge seg på med PC, men mobil kan også brukast. Du kan trykkje på lenka så kjem du direkte til møtet. Er det spørsmål om å bruke mikrofon og video, svarar du ja på dette. Det er Stig Magne Heitmann som skal tale. Han har nett skrive ei bok med tittelen: «Jesus vant og vi vil vinne», dette blir også tema på møtet. Vonar du vil ta deg tid til fellesskap på nett. Har du spørsmål kan du kontakte Ragnhild Skeie på tlf. 92835538.

Årsmøtet for Øystese Indremisjon er utsett pga. Covid-situasjonen. Ny dato blir 17. februar kl. 19.00.

Norheimsund indremisjon sitt årsmøte er flytta til fredag 19. februar kl. 18.00. Allesamansamlinga 7. februar er avlyst grunna smittervernrestriksjonar.

Forsamlingskonferansen som skulle vore i Norheimsund 13. februar, vert digital. Tidsramma er kl. 11.00 – 15.00, inklusive 30 minutt lunsjpause og småpausar.

Du kan følgja konferansane frå di eiga stove, åleine eller saman med nokre få andre. Så er fordelen med digitale konferansar at dei vert lett tilgjengeleg for alle; du slepp å bruka tid på å reisa, og du kan få med deg konferansane same kor du bur. Sjølv om mykje er nedlagt av møte og treffpunkt nett no, er dette ei tid det gjerne er ekstra viktig å koma saman for felles påfyll og inspirasjon. Så er det også ei god tid for å planleggja for framtida.

Her kan du melda deg på til Forsamlingskonferansen: https://docs.google.com/forms/d/1x9JNHIBfxSolg-fxFs0AEwjZ2vhkFKGFJsgWv_nXo9o/viewform?edit_requested=true

Konferansane er gratis, men det vert høve for å gi ei gåve til IMS.

Du vil få link til zoom etter at du er påmeldt.

Dei komande tre sundagane, 24.01, 31.01 og 07.02, vert det digitale sendingar frå Øystese bedehus! Roald Evensen frå ImF og Egil Gammelsæter samtalar om temaet «Forsamlingsbygging» med utgangspunkt i ni punkt frå forsamlingsstudiet til svenske Carl-Erik Sahlberg frå S:ta Clara-menigheten i Stockholm. Ei gruppe frå Norheimsund og Øystese ungdomskor deltek med song og musikk. Episodane blir tilgjengeleg på YouTube og Facebook kl. 11.00. Evensen kjem tilbake til Øystese 7. – 11. april. Då blir det møteveke – «live» forhåpentlegvis 😉