Det er desember og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – desember 2012: Anne Merete Flekstad Vik.
Konsert og CD-slepp 9. desember
Sundag 9. desember kl. 20.00 er det konsert med Norheimsund & Øystese Ungdomskor i Norheimsund kyrkje. Koret kjem ut med sin rykande ferske cd, «Bound By His Spirit». Det vert ein variert konsert med songar frå cden, nytt repertoar og sjølvsagt julesongar. Gratis inngang – kollekt. Sal av cd. Alle er hjarteleg velkomne!
Gospelnight på Framnes
I samband med «open helg» på Framnes arrangerer Origo gospelnight fredag 30. november kl. 21.00. Norheimsund & Øystese Ungdomskor deltek. Det vert også allsong, kollekt og andakt ved Lisbeth Oma. Velkomen!
Månadens profil – november 2012
Det er november og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – november 2012: Helga Almenning.
Julekonsert med Pareli
Onsdag 28. november kjem bandet Pareli til Norheimsund kyrkje for å halde julekonsert. Konserten er ein del av ein juleturne i samband med at Pareli slepp si fyrste juleplate, «Kling no klokka». Bandet består av Arne Pareli Pedersen (vokal), Rune H. Hermundsplass (gitar), Thomas Gallatin (slagverk), Ragnar Løsnesløkken (bass) og Gunnar Melbø (tangentar). Meir info om Pareli finn du her. Konserten startar kl. 19.00 og det blir billettsal i døra. Arrangør av konserten er organistane i Kvam. Velkomen til konsert!
Klart for julemesse i Norheimsund!
Laurdag 24. november er det klart for julemesse i Norheimsund bedehus. Messa opnar kl. 10.00. Det vert sal av gåveartiklar og matvarer, mellom anna nysteikte mjølkekaker. Kafeen er open heile dagen. Det blir tombola for born og vaksne, misjonssamlingar med Helga og Arnfinn Røyland (kl. 12.00 og 15.00) og basar med åresal og hovudtrekning. I år går overskotet til Sentral-Asia og kristent fagpersonell. Arrangør er Norheimsund, Tørvikbygd og Øystese Misjonssamband. Velkomen til julehandel i Norheimsund bedehus!
Norheimsund & Øystese Ungdomskor kjem med ny cd!
Norheimsund & Øystese Ungdomskor kjem med si fjerde cdutgjeving. Det har gått åtte år sidan sist plate, «Streets of Gold», kom. Meir om tidlegare utgjevingar kan du lese her. Koret har jobba med cden sidan april. Tittelen «Bound By His Spirit» er henta frå avslutningssporet Undivided. På plata medverkar, i tillegg til kor, solistar og band, gjestemusikarane Audun Galtung (fiolin og gitar), Christian Fonneland (gitar) og Hans Kristian Bjelland (sag!). Beate Augestad har laga coveret og Bjørnar Sangolt har stått for miksing og mastering. Cden vert trykt hjå Master Music AS. Vidar Sangolt er dirigent og produsent. Plata er samansett av fjorten spor. På repertoaret står blant anna kjende salmar i nye arrangement. Opningssporet er instrumentalen Winter Games henta frå OL i Calgary 1988. Koret har også spelt inn si eiga utgåve av Fader Vår, skrive av Vidar Sangolt.
Sundag 9. desember vert det cd-slepp med konsert i Norheimsund kyrkje! Meir info om kvar cden vert seld kjem seinare.
Medlemsmøte for Norheimsund Indremisjon
Tysdag 13. november inviterer Norheimsund Indremisjon til medlemsmøte i Norheimsund bedehus kl. 19.00. Husstyret orienterer om planar for oppussing av hovudsal. Velkomen!
Rejoice 2012
Origo UNG ynskjer velkomen til tiande utgåve av Rejoice! Ungdomskonferansen vert arrangert i Norheimsund bedehus 2. – 4. november. Over hundre deltakarar var samla i fjor – me håpar å samle endå fleire i år! Velkomen til møte, konsertar, lovsong, bøn, seminar og fellesskap i Norheimsund bedehus! Tema for Rejoice 2012 er «Restart». Talar er, i år som i fjor, Tor Ingvald Lauvrak (biletet) frå ImF. Du kan lade opp til årets Rejoice med å høyre opptak av talane frå fjorårets utgåve i podcasten vår. Seminarhaldar er Emil Andre Erstad. Det blir konsert med koret Redeemed frå Bergen fredag og ein lovsongskonsert med ulike aktørar laurdag. Klikk her for meir info, program og påmelding. Velkomen til Rejoice 2012!
Månadens profil – oktober 2012
Det er oktober og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – oktober 2012: Anna Mette Hals Klyve.