Ole Abel Sveen og Johnn Hardang har songturné i Sunnholdland og Hardanger i mai. Laurdag 26. mai kl. 19.00 kjem dei til Norheimsund bedehus. Ole Abel Sveen har vore generalsekretær i DVI/ Indremisjonsforbundet og har elles hatt fleire stillingar i ImF. Han er 82 år og er både bestefar og oldefar, han kjem frå Sveio og er busett i Bergen. Han har gjennom heile livet sitt vore skatta – både som talar, sangar og musikar. Johnn R.Hardang har tidligare vore forkynnar i Langesundsfjordens Indremisjonsselskap, lærer ved Indremisjonsselskapets Bibelskole i Oslo, arbeida som lærer, vidare rektor på Bildøy Bibelskole. Frå 2003 arbeider han som Radio og TV- pastor i P7 Kristen Riksradio. Han er 64 år, gift, 5 barn og bur på Knappskog i Fjell kommune. P7 Kristen Riksradio er en kristen mediebedrift med seks ansatte, lokalisert på P7 Mediesenter i Fjell kommune på Sotra. Dei produserer livssynsprogram både for eigne DAB-kanalar og på FM for 25 lokalradioar, til dømes TV-programma God Søndag og Sanger til glede, som vert sende på Frikanalen og Kanal 10 Norge. Slik når dei meir enn 70 prosent av Norges befolkning. P7 støtter Trans World Radios (TWR) internasjonale arbeid i Argentina, Paraguay Venezuela, Hellas, Italia, Spania, Tadjikistan, Nord-Afrika og Midt-Østen.
Vårfest med «Gutta»
Shine, Kvam Soul Children, JuniorVing og T&T inviterer til vårfest i Norheimsund bedehus måndag 7. mai kl. 18.00. Me får besøk av «Gutta», ei gruppe med songglade gutar mellom 8 og 12 år. Shine og Kvam Soul Children syng nokre av songane sine. JuniorVing viser bilete frå året. Det blir óg noko godt å eta. Kollekt. Ope for alle, uansett alder. Ta gjerne med deg nokon!
Treng du litt dugnadshjelp?
Måndag 30. april mellom kl. 17.00 – 21.00 og laurdag 5. mai mellom kl. 10.00 og 16.00. Dugnadsgrupper kan hjelpa til med:
• Hagerydding/trefelling (små tre)
• Mindre målingsarbeid
• Husreingjering
• Transport av møblar og varer til ‘Plant et tre’ eller gjenvinningsstasjonen
Ta kontakt innan måndag. 23. april kl. 16.00, atterhald om nok dugnadsfolk ved stor pågang.
Kontakt: Kari Ljønes Valland (91711230), kalj@frisurf.no, Hans Atle Soldal (97187945), hasoldal@online.no, eller: post@grannehjelpa.no (90122688/ 91366184).
Arr.: Norheimsund indremisjon og Øystese sokneråd i samarbeid med Grannehjelpa
Dugnad i Øystese
Tysdag 22. og onsdag 23. mai blir det dugnad på Øystese bedehus. Det vert aktivitet både dagtid og kveldstid desse dagane. Gje melding til leiar i husstyret, Erland Brennsæter (tlf. 92289768), om kva tid som høver for deg. Av ting som skal gjerast kan nemnast; utvendig måling av vinduskarmar, spyling/ kosting av mose på tak, rensing av takrenner og nedløp, kosting/ rydding rundt huset, rydding og vasking innandørs, m.m. Me håpar mange har høve til å vere med!
Vårdugnad i Norheimsund bedehus
Som i fjor har me sett opp to ettermiddagar til den årlege dugnaden med vasking, rydding og anna som me ynskjer å få gjort. Det blir dugnad tysdag 22. mai og onsdag 23. mai kl. 17.30 – 20.30 med innlagt kaffipause. Me håpar at mange har høve til å vera med! Meld frå til Ole Håland, epost; olehaland@outlook.com eller tlf. 97623246 om kva dag(ar) som passar, men du er velkomen uansett! Vel møtt!
Ungdomskoret 50 år!
Norheimsund og Øystese Ungdomkor fyller 50 år i år! Laurdag 21. april er det klart for jubileum i Norheimsund kyrkje. Alle som har vore med i koret på eit eller anna tidspunkt er invitert til felleskor og fest. Programmet vert slik:
kl. 13.30: Frammøte i kyrkja, lita matøkt (baguettar og drikke)
kl. 14.00 – 16.00: Øving på fellesnummer (notar vert utdelte der og då)
kl. 18.00: Jubileumskonsert
kl. 20.00: Jubileumsfest i kyrkjelydssalen
Alle som tek del på festen vert bedne om å ta med eitkvart til festbordet. Saltmat i ymse variantar er å føretrekkja. Jubiléet er såleis utan noko form for betaling. Ved spørsmål, ta kontakt med Olav Skeie Lid (oslid@live.no/ 91641325) eller Vidar Sangolt (vsangolt@gmail.com/ 92444897). Set av dagen og bli med!
Møteveke med Marit Stokken
18. – 22. april 2018 blir det møteveke med Marit Stokken frå ImF i Øystese bedehus. Det blir møte onsdag, torsdag, fredag og sundag kl. 19.30. Lokale musikkrefter deltek. Arrangør er Øystese Indremisjon. Alle er velkomne!
Superhelg på Helgatun
25. – 27. mai arrangerer IMS Superhelg på Helgatun. Alder: 0-9 år m/følge, tema: Superhelt!Velkommen til ei helg full av liv, bibel, god mat, aktivitetar, nært fellesskap, samlingar og superfest.Her kan barnet ha følge av mor, far, bestemor, bestefar, tante, onkel eller annan vaksen. Det blir barnevakt om
kveldane. Det blir med vaksne leiarar og ungdommar. Saman med deg som deltakar ynskjer me å få til ei super helg! Påmelding her: www.indremisjonen/kalender. Frist: 14. mai.
Påskekonsert og turné
23. – 28. mars reiser Norheimsund og Øystese Ungdomskor på turné til sørlandet. Base blir på Undeland Misjonsgård, ikkje langt frå Lyngdal. NØUK skal ha konsertar på Konsmo, Vennesla, Birkeland og i Lyngdal. Turnéen startar med konsert i Norheimsund kyrkje torsdag 22. mars kl. 20.00. Gjennom musikk, tekstlesing/ drama, lyssetjing og bruk av bilete på storskjerm vert publikum teke med på ei vandring frå palmesøndag til påskemorgon. Repertoaret er variert og spenner frå tradisjonelle påskesalmar til nye påskesongar. Gratis inngang – kollekt til koret sitt misjonsprosjekt i Indonesia (Ethnos 360). Velkomen!
Konsertar turné 2018:
Norheimsund kyrkje torsdag 22. mars kl. 20.00
Austad kirke, Lyngdal lørdag 24. mars kl. 19.00
Vennesla frikirke søndag 25. mars kl. 11.00
Konsmo kirke mandag 26. mars kl. 19.00
Birkenes kirke, Birkeland tirsdag 27. mars kl. 19.00
Ungdomskoret og turnéen kan du fylgje på facebook.