Forfatter: admin2

Hausten 2023 er det bibeltimar tysdagar kl. 19.30 i Norheimsund bedehus. Tema er Johannes Openberring. Bibeltimehaldarar er Jostein Skutlaberg, Audun Aase og Arne O. Øystese. Datoar for bibeltimane er: 5. sept, 26. sept, 10. okt, 24. okt, 7. nov, 21. nov og 5. des. Velkomen!

Alpha er eit tverrkyrkjeleg kurs som skaper eit rom der folk utforskar livet, trua og meininga saman. Kurset består av 10 tankevekkande samlingar om den kristne trua. (+ ein laurdag) Under samlingane vert det måltid, undervising og samtaler i grupper. Her kan du slappe av, ete god mat, dele dine tankar og utforske meininga med livet. Alphakurset har lav terskel, det er triveleg og me møtes med ulik bakgrunn. Ca. 30 millionar menneske over heile verda har faktisk gått på eit Alphakurs! (les meir på norge.alpha.org/try-alpha/)

• I Øystese bedehus kvar onsdag kl. 19.30-21.30, fram til midten av desember.
• Undervising på engelsk med norsk tekst.
• Er du interessert, meld deg på uforpliktande til infosamling med pizza og dessert onsdag 27. september kl. 19.30-21.30.
• Påmelding: 99257151/ lisbeth.oma@framnes.vgs.no

Arrangør: Hardangernettverket – Salt Bergen

Filmen om korleis Jesus-vekkinga sprang ut av hippie-rørsla på slutten av 1960 og endra livet til mange av den unge generasjonen, er vel verd å sjå. Den inspirerer til Jesus-tru og utfordrar det etablerte kristne fellesskapet til å vera rause og opne. Filmen vert vist i ungdomshallen i Norheimsund 22. og 24. september kl. 20.00. Flott om mange går og ser denne filmen, og gjerne tenkjer over kva dette kan bety i sin samanheng. Stort oppmøte er også eit signal på kva film-tilbod mange ønskjer. Billettar kjøper du her: Jesus Revolution – Kvam Kino

Fredag 8. september starta Krik Kvam opp med treningar igjen – etter fleire års dvale! Nytt styre beståande av ungdommar er etablert og Norheimsund idrettshall er booka. Det vert trening kvar fredag kl. 17.30 – 19.00. Alle frå 8. klasse og oppover er velkomne! Ta med treningsklede, innesko og bli med 😊.

Har du lyst til å bli med i ungdomskoret? Oppstart blir måndag 28. august. Då blir det øving i Norheimsund bedehus kl. 19.30 – 21.30. Ungdom frå 8. klasse og oppover er velkomne. Me gler oss til å møte deg Planen for hausten finn du her: https://www.bedehusweb.no/ungdomskor/

Anleggsarbeidet med ny vidaregåande skule i Kvam starta opp denne veka. Ei følgje av dette er at bedehuset i Norheimsund no er omringa av byggjeplass-gjerde for at anleggsområdet skal vera sikra. Mellombels tilkomstveg til bedehuset er inntil vidare etablert frå den gamle busslomma og opp mot bedehushjørna, sjå foto. Næraste parkeringsplass vil no vera ved Spar (øvre nivå bortanfor Hardanger Treningssenter/ Mekk). For transport av utstyr som krev bil til hovudinngang på bedehuset, vil hovudport til anleggsområdet måtta nyttast. Opning av hovudport krev nøkkelkort, og Hans Gravdal, Vidar Sangolt, Eli S. Tveitane og Tore Skeie vil ha slikt kort.

Bøne-inspirasjonshelg for kvinner 2. – 3. september på Wallemtunet, Kvamskogen Temaet er: «Kom nära mig!» Med eit ønskje om å koma saman i bøn og lovsong og inspirera kvarandre, anten me er mange eller få der me bur, inviterer me til denne helga. Me reknar med at det kjem kvinner frå ulike deler av Hardanger og området rundt.  Inviter med deg vener og bønepartnerar og kom! Du kan lesa meir om programmet og påmelding her. PÅMELDINGSFRIST: 27. august til est@bushsoft.com eller 47 30 89 81 Eli S. Tveitane. Velkomen til bøn og fellesskap!  Arr. NIM v/ Herdis Austevoll, Ragnhild Skeie og Eli Tveitane