bedehusweb.no

Onsdag 21. februar inviterer Øystese Indremisjon til kveldsmøte i Øystese bedehus kl. 19.30. Marit Ådnanes, dagleg leiar i IMS, har tale for kvelden. Tema for møtet er «Kraft til å fullføre løpet». Det blir song og musikk, kollekt til Kristenrussen og enkel servering etter samlinga. Alle er hjarteleg velkomne!

Andreas Evensen, leiar for ImF-ung, kjem til oss på temasamling i tysdag 20. februar kl. 19.30 i Norheimsund bedehus. Han skal presentere det nye barne- og ungdomsopplegget AWANA. Me lærer litt om bakgrunnen, tankane bak, kva det går ut på i praksis og får med oss gode tips for oppstartsfasen. AWANA, som kan nyttast både i heimen og forsamlinga, er eit satsingsområde for Norheimsund Indremisjon i 2018. Det er viktig at flest mogeleg av oss kjenner til og vert tende av opplegget så me kan bidra i dette arbeidet på ulike måtar i fellesskapet vårt. Velkommen til samlinga!

Velkomen til Sundagstreff i Øystese bedehus 4. februar kl. 17.00. Det blir andakt av Audun Hjelvik, song ved Norheimsund og Øystese Ungdomskor, dagens profil, konkurranse/ leik, kollekt, misjonsinfo, allsang og fellesskap. Sundagstreff er ei vidareføring av storsamlingane som me kjenner frå før. Det er ei samling for store og små, yngre og eldre. Det blir felles møtedel først, så eige opplegg for borna medan dei vaksne har sitt opplegg. Etterpå blir det enkel servering i sidesalen. Velkomen til Øystese bedehus!

Hovudsal og sidesal i Øystese bedehus er no ferdig oppussa. No ynskjer me nye stolar til desse salane. I samband med at Sarons Dal i Kvinesdal har bestilt inn nesten 3000 stolar, gjekk firmaet Menighetservise AS ut med eit kjempetilbod til andre lag og organisasjonar. ØIM har hatt stolar på prøve. Dei er gode å sitje i! No har me bestilt 120 slike stolar til kr. 459,- pr stk. Styret i ØIM er takksame for økonomisk hjelp. Me håpar at mange har lyst til å kjøpe ein eller fleire stolar til bedehuset. Kr. 459,- pr. stol. kan betalast til ØIM sitt kontonummer 5277.31.32186. Merk med «Stol». Du kan også betale via VIPPS-nummer 71210. På førehand takk!

4. juledag kl. 16.00 kan du invitere med deg vener, venefamiliar, naboar, våre nye landsmenn til velsmakande kjøttkakemiddag i godt lag på Norheimsund bedehus! Det vert program med song og andakt v/ Eli S. Tveitane, julequiz og juletregang. Eit arrangement for heile familien. HUGS Påmelding til middagen (kr. 100, familie kr 200) v/Tore Skeie (9007 7001) innan onsdag 27.desember kl. 12.00. Velkommen!

Tysdag 12. desember kl. 19.00 blir det julekonsert med Norheimsund og Øystese Ungdomskor i Øystese bedehus. Med seg har koret Isolde Holt Holene og Kvam Soul Children. Bill. kr. 150,- (vaksne) og kr. 50,- (barn/student) ved inngangen. Velkomen!

Laurdag 25. november vert det julemesse i Norheimsund bedehus kl. 10.00 – 16.00. Det blir sal av julebakst og matvarer av mange slag, samt og husflids- og hobbyvarer. Kafeen i kjellaren er open heile dagen. Her kan du kjøpe bl.a. gode rundstykke, festkaker og kaffi. Sal av graut frå ca kl. 13.00. Overskotet frå julemessa går til NLM sitt arbeid.

Programmet for dagen ser slik ut:
Kl. 10.00: Julemessa opnar
Kl. 11.30: Åresal
Kl. 12.00: Misjonssamling. Misjonær Marit Andersen fortel frå Bolivia.
Kl. 13.00: Salet held fram
Kl. 14.30: Familiesamling m/ åresal og hovudtrekning. Andakt v/Marit Andersen. Song v/barnekora Shine og Kvam Soul Children.
Kl. 16.00: Messa stengjer

Arrangør er Norheimsund, Tørvikbygd og Øystese Misjonssamband (NLM).

Velkomen til Sundagstreff i Øystese bedehus 12. november kl. 17.00. Det blir andakt av Anne Merete F. Vik, song og musikk ved husorkester og forsongarar, dagens profil, konkurranse/ leik, kollekt, misjonsinfo, allsang og fellesskap. Sundagstreff er ei vidareføring av storsamlingane som me kjenner frå før. Det er ei samling for store og små, yngre og eldre. Det blir felles møtedel først, så eige opplegg for borna medan dei vaksne har sitt opplegg. Etterpå blir det enkel servering i sidesalen. Velkomen til Øystese bedehus!

Takk til alle som bidrog under Rejoice 2017 i Øystese bedehus! Her er ein video laga av Øyvind Nyborg: