Forfatter: admin2

Kvar vert det av Storsamlinga i Norheimsund bedehus? Norheimsund Indremisjon ønskjer å integrere familiearbeidet i føremiddagssamlinga på søndagen. Så i haust vert det noko me kallar alle-saman-samling kl 11.00 i Norheimsund bedehus, datoane er 27.august, 24.sept og 22.oktober, med familievenleg opplegg. Me vil smaka på det nye opplæringstilbodet AWANA for barn og ungdom, så det vert både bibeltekstar, song og aktivitetar for dei. Kom gjerne med tilbakemeldingar og innspel, slik at me kan vidareutvikla samlingane framover. Meld deg gjerne til oppgåver om du har lyst å vera med å få til Awana her hos oss. Ta kontakt med nokon i styret. Første samling er søndag 27. august kl 11.00 i Norheimsund bedehus. Håkon Kalvenes talar. Velkommen til fellesskapet på bedehuset! Ta med familie og vener! Styret v/Eli S. Tveitane

Velkommen til fellesskapsmiddag og lovsongskonsert med familien Høivik frå Rissa, Trøndelag. Ta med deg familie og vener og nyt ferdig søndagsmiddag i fellesskapet med påfølgane lovsongskonsert for heile familien kl. 15.30! Sven Olav Høivik, har med seg kona Ingunn og døtrene Ingjerd og Audhild til Norheimsund bedehus. Begge jentene går for tida på Kongshaug musikkgymnas. Saman vil dei ta oss med på ei musikalsk reise, både vokalt og instrumentalt i ulike sjangrar.
MERK: Søndag 20.august i Norheimsund bedehus middag kl 14.00 og lovsongskonsert for heile familien kl 15.30. Hugs påmelding til Eli S. Tveitane, est@bushsoft.com 47308981 med namnet ditt og talet på born og vaksne (evt. matallergi). Middag kr. 50 pr. pers., familie maks kr 150. Konsert gratis. Kollekt. Påmeldingsfrist: laurdag 19. august 12.00. Arr.: Norheimsund Indremisjon

Måndag denne veka hadde Norheimsund og Øystese Ungdomskor sommaravslutning i Klyvefjøra. På programmet stod grilling, bading og quiz. Påtroppande styreleiar Miriam Svendsen heldt ein flott andakt. Trass i at alle tiandeklassingane var bortreist på skuletur, var oppmøte godt. Spesielt kjekt var det at mange sjuandeklassingar blei med på turen. Velkomen tilbake til hausten! Bjørnar Sangolt vart takka av som orkesterleiar. Koret er takksame for den jobben han har gjort dette siste året. Ny orkesterleiar vert Gaute Klyve. Me ynskjer Gaute velkomen på laget!

Dette året har koret hatt 43 medlemmer. Me har hatt 14 opptredenar eller konsertar i tillegg til øvingshelg på Helgatun og vanlege måndagsøvingar. På koret sitt årsmøte måndag 22. mai var det val av nytt styre for 2017/ 2018. Det nye styret ser slik ut: Miriam Svendsen (leiar), Hallvard Kleven, Lars Gravdal, Malene Nerbøberg Kolflåth, Åsmund Almenning og Amanda Husum. Ein solid gjeng! NØUK takkar foreldregruppa, tilhøyrarar og støttespelarar for eit bra år. God sommar!

Helga 26. – 28. mai arrangerer IMS Superhelg på Helgatun. Helga er for born 0-9 år m/følge. Pris kr. 630,- for born og 950,- for vaksne. Tradisjonen tru deltek også dette året ein del personar frå Norheimsund og Øystese. Så har du lyst på ei kjekk helg, meld deg på her før 18. mai 🙂 Heile programmet finn du her.

Opptak av påskekonserten til Norheimsund og Øystese Ungdomskor, Aksdal kyrkje 09.04.17. Video: Knut Tokheim/ Øyvind Nyborg.

Norheimsund og Øystese Ungdomskor reiser dette året på turné i påskeferien. 7. – 12. april turnérer koret i Sunnhordland og på Haugalandet. Base blir på Stemnestaden Leirstad ved Aksdal. NØUK skal ha konsertar i Nysæter kyrkje, Aksdal kyrkje, Sandeid kyrkje og Bremnes kyrkje. I tillegg skal koret delta på gudsteneste i Skjold kyrkje palmesundag. Turnéen startar med konsert i Norheimsund kyrkje torsdag 6. april kl. 19.30. Gjennom musikk, tekstlesing/ drama, lyssetjing og bruk av bilete på storskjerm vert publikum teke med på ei vandring frå palmesøndag til påskemorgon. Repertoaret er variert og spenner frå tradisjonelle påskesalmar til nye påskesongar. Gratis inngang – kollekt til koret sitt misjonsprosjekt i Mali (Normisjon). Velkomen!

Konsertar turné 2017:
Norheimsund kyrkje torsdag 6. april kl. 19.30
Nysæter kyrkje laurdag 8. april kl. 19.00
Aksdal kyrkje sundag 9. april kl. 19.00
Sandeid kyrkje måndag 10. april kl. 19.00
Bremnes kyrkje tysdag 11. april kl. 19.00

Ungdomskoret og turnéen kan du fylgje på facebook.

Sundag 2. april kl. 19.30 blir Lukasevangeliet framført av Martin Gabrielsen og Elisabeth Huseby (Ungdom i Oppdrag) i Øystese bedehus! Dei to er på turné for å formidle Lukasevangeliet utanåt på 90 minutt. Framføringa skjer på nynorsk. Det er gratis inngang og kollekt. Arrangør er Øystese Indremisjon. Alle er velkomne!

Fredag 24. mars reiser Krik og Origo til Iskanten i Loddefjord for å spele curling. Det blir speling i to timar. Etterpå blir det pizza og brus før me vender tilbake. Avreise er kl. 16.00 frå Norheimsund bedehus og prisen er 350 kr. Me reknar med å vere tilbake i Norheimsund om lag kl. 22.30. Ein bør ha varmt og ledig tøy (4 grader i hallen) og helst flate sko (låner såler til bruk på isen). Påmelding til Bent Inge Bentsen, tlf: 99210126. Påmeldingsfrist er torsdag 23. mars. Det er begrensa antall plassar så det gjeld å vere tidleg ute med påmelding. Velkommen!

På NMS sin basar i Norheimsund bedehus fredag 10. mars kom det inn brutto ca. kr. 68.500,-. Foreiningane i Vikøy og Norheimsund takkar hjarteleg for det fine resultatet, og for at så mange slutta opp om basaren.

IMS arrangerer forsamlingskonferans 18. mars i Norheimsund bedehus. Her vert det fokus på viktige tema, erfaringsutveksling og samtale, og sal av mat. Me oppmodar spesielt lags- og foreiningsleiarar med sine styre til å prioritera dagen, men konferansen er open for alle, så spre vidare til aktuelle i di bygd. NB! Me håpar at også mange barne- og ungdomslagsleiarar vert med på konferansen. Sagt av deltakar på førre konferanse: «Eg ville ha med meg denne konferansen for å få oss til å tenkja nytt, og få med meg noko til nytte heime». Det var også sagt under undervisninga at «viss din draum er å nå/vinna di bygd, skjer det ikkje ved tilfeldighet». Me treng både bøn og kunnskap om korleis dette kan skje. Velkommen til innhaldsrik dag! Klikk her for påmelding.