Klart for Sommarens storsamling i Norheimsund!


IMS sitt årsmøte vert arrangert i Norheimsund dette året. Fredag brakar det laus med opningskonserten «Gla’song» i Norheimsund idrettshall. På konserten får me oppleve ungdomskoret Respons frå Ålesund, Kjell Strømme, Linn og Knut Inge Røen, husorkester og forsongarar. Laurdag er det klart for opningsmøte og forhandlingar på Framnes før stemnet fortset med familiekonsert med Tore Thommassen, stormøte og korkonsert. Sundag er det festmøte og familiemøte i hallen. Det blir eige barne- og ungdomsopplegg heile helga. Heile programmet finn du her. Lokale arrangørar er Norheimsund Indremisjon, Øystese Indremisjon og Tørvikbygd Indremisjon. Velkomen til Norheimsund!