18. – 20. oktober reiser Norheimsund & Øystese Ungdomskor, Krik Kvam og Origo ungdomsklubb på tur til Helgatun. På programmet står blant anna bli-kjent-kveld, natursti, uteaktivitetar, bibeltimar, korøving og underhaldningskveld. Påmeldinga har starta. Send epost til vidar.sangolt@imf.no dersom du vil vere med. Her finn du meir info om turen.
Paul Grønseth – konsert på Rejoice
Helga 8. – 9. november arrangerer Origo UNG ellevte utgåve av ungdomskonferansen Rejoice! I år er det Paul Grønseth som skal ha hovudkonserten fredag kveld. Kanskje ikkje navnet er så kjent? Men du har kanskje høyrt songen «Alt til deg», eller «Nåde»? Paul Grønseth er mannen bak mange av dei songane som er mest brukt i moderne bedehussamanheng. Og det blir fantastisk bra! Han har med seg eit band beståande av Bjørnar Sangolt (gitar), Arnt Thyve (synth), Ingve Kjosås (tangentar), Vegard Voldsund (trommer) og Vidar Sangolt (bass). Konserten startar etter kveldsmøtet kl. 22.30. Billettar kostar kr. 150,- og kan kjøpast ved inngangen. Konserten er gratis for dei som har deltakarpass på Rejoice. Les meir om Rejoice her.
Nyoppussa hovudsal i Norheimsund bedehus
No er arbeidet med oppussing av hovudsalen i Norheimsund bedehus stort sett ferdig. Resultatet har vorte svært bra og me har fått mange gode tilbakemeldingar. Hjarteleg takk til alle som har vore med og bidrege på ymse måtar, både praktisk og økonomisk, slik at dette arbeidet kunne gjerast! Her kjem ei lita oversikt over kostnadar med dette arbeidet.
Me ynskjer oss fleire medarbeidarar!
Reingjeringa av Norheimsund bedehus er gjort på dugnad i over 20 år. Mange har vore med heile tida. Nokon har slutta, nye har kome til. I sum har talet gått ned. I dag deler 30 personar på oppgåva. 2 i lag, 2 – 3 timar 2 gonger kvar veke, dvs. med 15 veker mellom kvar gong. Arbeidsmengda varierer etter aktiviteten i bedehuset. Etter at me fekk teppefliser i vår vert det meir støvsuging og mindre mopping, noko som lettar arbeidet. Me er svært takksame for dei som brukar av fritida si til dette arbeidet. Men me ynskjer oss fleire medarbeidarar, slik at det vert litt lenger mellom kvar gong. Dugnadsarbeidet sparer truleg indremisjonen for godt over kr. 100.000 i året, som laget elles måtte skaffa. Har DU høve til å delta i dette dugnadsarbeidet? Ta kontakt med Olav Helleve, tlf. 911 22 640, eller epost: rag-he@online.no
Månadens profil – september 2013
Det er september og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – september 2013: Liv Skutlaberg. Her kan du sjå dei andre som har vore månadens profil.
Ettermiddagstreff i Øystese
Velkomen til uformelt treff i kjellaren på Øystese bedehus tysdag 24. september kl. 18.00 – 20.00. Det vert info og samtale. Me serverer vafler, saft og kaffi/te. Arr.: ØIM.
Mitt møte med bedehuset…
«Jeg vet at noen blir glad de gangene jeg kommer, men jeg ser det aldri på dem. De sier det heller ikke til meg. Si det, vis det! For meg blir terskelen høyere og høyere for hver gang jeg er så veldig synlig usynlig!» Dette er henta frå eit brev skrive av ei kvinne i sitt møte med bedehuskulturen. Aktuelt tema for alle forsamlingar! Les brevet og delta i debatt på sambåndet.no.
Aktivitetsklubb treng nye leiarar
Aktivitetsklubben Time Out er for born i 5. – 7. klasse. Klubben har samlingar annankvar onsdag kl. 17.30 – 19.00 i Norheimsund bedehus. På grunn av auke i medlemstalet treng Time Out fleire nye leiarar. Kan du tenkje deg å bli med? Ta kontakt med Geir Johnny Undal (tlf. 93217879).
Krik Kvam 20 år!
Krik Kvam vart starta sommaren 1993 og feirer 20års-jubileum i 2013. Laurdag 28. september kl. 19.00 inviterer Krik til jubileumsfest i Norheimsund bedehus. På programmet står mellom anna: historiske tilbakeblikk, festtale v/ Arne Opsahl-Engen, musikalske innslag, leikar/ konkurransar, koldtbord (med både varm og kal-kun…) og informasjon om Krik si gjevarteneste. Du som har vore medlem av Krik Kvam ein eller annan gong er spesielt velkomen. Festen er gratis, men det vil bli tatt opp kollekt til Krik. Pga. matservering må me ha påmelding. Meld deg på til Vidar Sangolt (epost: vidar.sangolt@imf.no / tlf.: 92444897) eller Bent Inge Bentsen (epost: bentingebe@hotmail.com / tlf.: 99210126) innan 20. september. Velkomen!
Månadens profil – august 2013
Det er august og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – august 2013: Reidun Kalleklev Grindheim. Her kan du sjå dei andre som har vore månadens profil.