Onsdag 15. februar kl. 18.00 er du velkomen til årsmøte for Øystese Indremisjon (ØIM) i Øystese bedehus. Det blir val, gjennomgang av årsmelding og årsrekneskap og samtale om arbeidet. Velkomen til årsmøte!

Dagens reklame: ImF-Ung starta for ei tid sidan nettstaden preik.tv. Dette er ein videoressurs for ungdomslaga i Imf, med relevant og treffande forkynning. På PreikTV kan du sjå korte andaktar med ulike tema. Blant talarane finn me også Andreas Sørås og Arne Opsahl-Engen. Preik.tv finn du her.

Fredag 3. februar kl. 18.30 er du velkomen til årsmøte for Norheimsund Indremisjon (NIM) i Norheimsund bedehus. Arne Opsahl-Engen skal ha andakt. Det blir val, gjennomgang av årsmelding og årsrekneskap, samtale om arbeidet, samt pause med enkel servering. For å spare litt tid på årsmøtet, legg me ut årsmelding og årsrekneskap for NIM, samt årsmeldingane frå dei ulike undergruppene av NIM her på bedehusweb.no. Du må logge deg på med passord for å kunne lese årsmeldingane. Passordet blir sendt ut til alle medlemmene i NIM på sms i dag. Velkomen til årsmøte!

Klikk her for å lese årsmeldingane.

Det er januar og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – januar 2012: Ingrid Selvik Undal.

Les videre →

Sundag 29. januar kl. 20.00 (merk: ny tid!) er det klart for årets fyrste sundagssamling i Øystese bedehus. Sundagssamling er eit møte som legg vekt på lovsong, tilbeding og bøn. Sundagssamlinga skal vere ein stad der ein kan få kome med vitnesbyrd og bøneemne. Samlinga startar med enkel servering og prat før ein går over i møtedelen. Her finn du datoar for sundagssamlingane denne våren. Arrangør er Norheimsund Indremisjon og Øystese Indremisjon. Alle er velkomne!

Egil Gammelsæter sin siste bibeltime om Efeserbrevet ligg no ute i podcasten vår. Podcasten finn du her.

Sundag 15. januar er det igjen klart for storsamling, denne gong i Norheimsund bedehus. Samlinga startar som vanleg kl. 17.00. Herdis Austevoll skal ha andakt. Det blir eige opplegg for borna. Samlinga vert avslutta med kveldsmat i kjellaren. Alle er hjarteleg velkomne!

Klikk her for å sjå datoar for storsamlingar i vår.

Klikk her for å sjå datoar for sundagssamlingar i vår.

1. nyttårsdag arrangerer Norheimsund Indremisjon jule- og nyttårsfest i Norheimsund bedehus kl. 18.00. Det vert musikalske innslag av blant andre Geir Botnen (flygel) og David Skutlaberg (fiolin). Rektor ved Kongshaug Musikkgymnas, Oddvar Rotvik, held andakt. Det blir allsong, konkurransar og mat. Festen vert avslutta med juletregang. Alle er hjarteleg velkomne!

3. juledag inviterer barnekoret Shine og Junior Ving til juletrefest i Norheimsund bedehus kl. 17.00. Det blir song av barnekoret Shine, leikar, musikalske innslag, andakt, noko godt å ete og juletregang! Inngangspengar kr. 30,-. Alle er velkomne!

Me minner også om juletrefest i Øystese bedehus 5. juledag. God jul!

Norheimsund & Øystese Ungdomskor brukte siste øving før jul til å spele inn to julesongar; Lys i mørket og Mary Did You Know. Desse kan du no høyre eller laste ned i podcasten her på bedehusweb.no. Solistar er Simon S. Undal/ Ingvild Bjelland (Lys i Mørket) og Anna Lilleås/ David Almenning (Mary Did You Know). Dirigent og produsent er Vidar Sangolt. Orkesteret består av Knut Nedkvitne (saksofon), Gaute Ulltang (piano), Torstein Bjelland (bassgitar), Bård Sørheim (trommer), Oddvar Ulltang (perkusjon), Jens Kristian Bjelland (synth) og Vidar Sangolt (synth). Guro Tolo har laga coveret til cden. Cden er å få kjøpt for kr. 50,- i Norheimsund bedehus.

Klikk her for Lys i mørket
Klikk her for Mary Did You Know

Norheimsund & Øystese Ungdomskor ynskjer alle ei god, riktig jul!