bedehusweb.no

Sundag 10. april blir det storsamling i Norheimsund bedehus kl. 16.00 (NB! merk tida!). Me får besøk av generalsekretæren i Indremisjonsforbundet (Imf), Erik Furnes. Han skal tale om temaet «Fellesskapet – gleder og utfordringar». Etterpå vert det samtale om emnet i mindre grupper. Det er som vanleg eige opplegg for borna. Etter samlinga er det kveldsmat i kjellaren. Velkomen!

Ei gruppe på 13 frå Norheimsund og Øystese var i mars på tur til Nepal. Me besøkte Ragnhild og Tore Skeie som er utsendingar for HimalPartner (tidl. Tibetmisjonen). Me fekk eit innblikk i HimalPartner sitt arbeid på nært hald, og høve til å sjå ein del av landet. Tysdag 12. april kl. 19.30 vil me formidla inntrykk frå turen gjennom ord og bilete. Øystein Ådland har andakt og Lars Arvid Oma syner bilete. Det vert høve til å gje ei gåve til HimalPartner sitt arbeid.

Norheimsund Indremisjon og Øystese Indremisjon har no oppretta sms-liste for sine medlemmer. Her vil det bli sendt ut info om til dømes arrangement i bedehusa våre. Det vil ikkje bli sendt ut melding til alle arrangement. Fullstendig program blir framleis kunngjort på bedehusweb.no og gjennom lysingar i Hordaland Folkeblad. Eventuell påmelding/ avmelding til lista kan ein sende på epostadressa bedehusweb@gmail.com. Dette er ei «einvegsteneste», så det er ikkje mulig for medlemmene å svare på medlingane.

Sundag 27. mars arrangerer Norheimsund & Øystese Ungdomskor basar i Norheimsund bedehus. Det vert både boktrekning og åretrekning. Arne Opsahl-Engen held andakt og ungdomskoret syng. Konferansiér er tidlegare kordirigent Olav Skeie Lid.
Ta med vener og familie på basar sundag 27. mars!
Fortsett å lese «Ungdomskoret arrangerer basar»

Styret i Øystese Indremisjon har konstituert seg. Her kan du sjå kven som er med i styret for 2011.
Fortsett å lese «Nytt styre i Øystese Indremisjon»

Dette er tema for Karl Johan Hallaråker sine to bibelføredrag i Norheimsund bedehus onsdag kveld 16. mars. I den første timen blir det sett fokus på det kristne misjonskallet: Misjonsansvar for forkynning og undervisning, diakoni og omsorg. I den andre timen set han fokus på vårt kristne samfunnsansvar i vår tid. Begge timane har høgaktuelle fokus. Det er mange meiningar om korleis ein bør driva misjon i vår tid. Det gjeld både forkynninga og ikkje mindre diakonien og hjepearbeid heime og ute. Kristen verditenking om vårt samfunnsansvar i møte med eit meir og meir fleirkulturelt samfunn er det ikkje mindre debatt om. Kva svar bør vi gje? Går det an å vera tydeleg profilert og samtidig syna respekt for andre religionar og livssyn? Vi kan venta ein engasjert talar og høgaktuelle spørsmål å tenkja over. Etter foredraga blir det høve til spørsmål om samtale. Enkel servering mellom timane.
Karl Johan Hallaråker er utdanna prest, tidlegare bibelskulerektor og generalsekretær i ImF. Han har skreve fleire bøker og kjend frå media. Han har også besøkt Kvam fleire gonger tidlegare. Vi vonar at mange merkar seg datoen og kjem til bedehuset denne kvelden.

Fredag 18. februar kl. 19.30 blir det gospelnight i kjellarlokala i Norheimsund bedehus. Me får besøk av ein gjeng frå Norkirken i Bergen. Dei stiller med lovsongsteam, tale og misjonsinfo. Talar er Thomas Hammer (biletet). Thomas er ansatt i Norkirken og jobbar der med gudstenester, lovsang og informasjon. Han held også på med masterstudiet i teologi.
Etter gospelnighten blir det kafé. Alle er hjarteleg velkomne!

17. til 20. februar er det misjonsveke i regi av NMS Øystese/ Norheimsund. Talar er John Steinar Dale. Hovudtema på samlingane er «Godt nytt frå Midtausten». Dale har vore misjonær på Madagaskar i 15 år, prest i Stavanger og har lenge vore aktiv i SAT-7 som er dei kristne kyrkjene sin satellitt–tvkanal i Midtausten og Nord-Afrika. SAT-7 har 5 kanalar og sender døgnet rundt og har i år 15-årsjubileum. Dale kjenner godt dette eineståande misjonsarbeidet og situasjonen i Midtausten. Vi gled oss til inspirerande samlingar!

Fortsett å lese «Misjonsveke i Øystese og Norheimsund 17. – 20. februar»

Krik Kvam skipar til skidag på Sjusete fyrstkomande laurdag. Det blir skileik, bålkos, andakt og mykje god stemning! Ta med ski, varme klede, pølser og drikke. Oppmøte på Sjusete (parkeringsplassen) kl. 11.00. Treng du transport? Send sms til Bent Inge Bentsen (tlf. 91628638). Alle er hjarteleg velkomne!

Fredag 25. februar legg Norheimsund & Øystese Ungdomskor atter ein gong ut på misjonsturné. Dette året reiser koret til Vestfold og Buskerud. Det vert konsertar i Kvelde, Sandefjord, Sande i Vestfold og Hemsedal. I tillegg skal koret delta på ei gudsteneste i Tjølling mellom Sandefjord og Larvik. Fortsett å lese «Snart klart for turné!»