Sundag 15. januar er det igjen klart for storsamling, denne gong i Norheimsund bedehus. Samlinga startar som vanleg kl. 17.00. Herdis Austevoll skal ha andakt. Det blir eige opplegg for borna. Samlinga vert avslutta med kveldsmat i kjellaren. Alle er hjarteleg velkomne!
Klikk her for å sjå datoar for storsamlingar i vår.
Klikk her for å sjå datoar for sundagssamlingar i vår.
1. nyttårsdag arrangerer Norheimsund Indremisjon jule- og nyttårsfest i Norheimsund bedehus kl. 18.00. Det vert musikalske innslag av blant andre Geir Botnen (flygel) og David Skutlaberg (fiolin). Rektor ved Kongshaug Musikkgymnas, Oddvar Rotvik, held andakt. Det blir allsong, konkurransar og mat. Festen vert avslutta med juletregang. Alle er hjarteleg velkomne!
3. juledag inviterer barnekoret Shine og Junior Ving til juletrefest i Norheimsund bedehus kl. 17.00. Det blir song av barnekoret Shine, leikar, musikalske innslag, andakt, noko godt å ete og juletregang! Inngangspengar kr. 30,-. Alle er velkomne!
Me minner også om juletrefest i Øystese bedehus 5. juledag. God jul!
Norheimsund & Øystese Ungdomskor brukte siste øving før jul til å spele inn to julesongar; Lys i mørket og Mary Did You Know. Desse kan du no høyre eller laste ned i podcasten her på bedehusweb.no. Solistar er Simon S. Undal/ Ingvild Bjelland (Lys i Mørket) og Anna Lilleås/ David Almenning (Mary Did You Know). Dirigent og produsent er Vidar Sangolt. Orkesteret består av Knut Nedkvitne (saksofon), Gaute Ulltang (piano), Torstein Bjelland (bassgitar), Bård Sørheim (trommer), Oddvar Ulltang (perkusjon), Jens Kristian Bjelland (synth) og Vidar Sangolt (synth). Guro Tolo har laga coveret til cden. Cden er å få kjøpt for kr. 50,- i Norheimsund bedehus.
Klikk her for Lys i mørket
Klikk her for Mary Did You Know
Norheimsund & Øystese Ungdomskor ynskjer alle ei god, riktig jul!
Torsdag 29. desember kl. 18.00 vert det juletrefest i Øystese bedehus. Juniorkorpset til Øystese Skulemusikklag deltek. Det vert musikkinnslag, andakt, julequiz, mat, pakkar til borna og sjølvsagt juletregang. Arrangør er Øystese Indremisjon og Øystese Sokneråd. Det vert teke opp ein kollekt til Strømmestiftelsen. Alle er velkomne!
Det er desember og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – desember 2011: May Oline Opsahl-Engen.
Rejoice er Origo sitt største satsingsområde gjennom året. I år vart ungdomskonferansen arrangert 28. – 30. oktober. Over hundre deltakarar var samla til møte, konsertar, lovsong, bøn, seminar og fellesskap i Norheimsund bedehus! Tema for helga var «Frihet». Her kan du lese meir om helga.
Laurdag 19. november er det klart for Norheimsund, Øystese og Tørvikbygd Misjonssamband si julemesse. Messa startar kl. 10.00. Arrangøren lovar eit stort utval av matvarer, hobby- og husflidsvarer. I kjellaren vert det kafeteria med sal av graut frå kl. 13.00 og sal av nysteikte mjølkekaker heile dagen. Det vert også åresal og trekking av loddbøker. Kl. 12.00 er det familiemøte. Turid Amenya har andakt og barnekoret Shine syng. Kl. 15.00 er startar misjonsmøtet. Her er det Johnny Leikvoll som står for andakten. Ta turen innom Norheimsund bedehus på laurdag!
Det er november og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – november 2011: Ranveig Rydland Bjelland.
Krik Kvam ynskjer velkomen til fotballcup i Norheimsund idrettshall laurdag 26. november. Klikk her for påmelding og meir info om cupen.
