Håkon, Rakel og Samuel Kalvenes kjem til Storsamlinga i Norheimsund sundag 19. mars kl. 17.00. Håkon (35) kjem frå Austevoll utanfor Bergen. Han vaks opp i ein familie saman med sju søsken. Seinare gjekk han på Framnes vidaregåande skule. Han har hatt ulike tenester og teke vidare utdanning. Dei to siste åra har tjent som pastor i Whistler Community Church i British Columbia, Canada. No bur han saman med kona Rakel og sonen Samuel i Hemsedal. Kjekt å få dei på besøk igjen!
Mange nye bidreg i Øystese Indremisjon!
På årsmøtet i Øystese Indremisjon fredag 3. februar vart det valt nytt styre for ØIM. Harald Kjosås (biletet) vart vald til leiar. Andreas Ølfarnes er nestleiar og Reidun Teigen er økonomiansvarleg. Øvrige styremedlemmer er Stian Kreken Almeland, Bent Inge Bentsen, Egil Gammelsæter og Richard Longo. Anna Mette Hals Klyve er varamedlem. Me er svært takksame for at nye unge krefter har blitt med i styret og ser lyst på framtida til Øystese Indremisjon!
ØIM har i tillegg sett ned ei gruppe på fire personar som skal sjå på vidare bruk av barnehagedelen etter at leigeperioden med Kvam herad går ut om fem år. Representantar her er Hans Atle Soldal, Helga Vestrheim Tolo, Kjell Dysvik og Harald Kjosås. I styret for Øystese bedehus sit Erland Brennsæter, Harald Kjosås og vaktmeister Egil Gammelsæter.
NMS med årsmøte og basar
Basar? Gammaldags? Kanskje, men i våre dagar då digitale medier overtek både kommunikasjon og vennetreff, trur eg me treng ein stad å sjå kvarandre. Godt å slå av ein prat over kaffikoppen, gi ein klem, og få ein klem. Eit varmt håndtrykk og eit smil gjer underverk. Andakt, song og musikk er og godt å oppleva. Me får og vera med å gi økonomisk støtte til ein misjonsorganisasjon som har djupe røter i Norheimsund/ Vikøy. Fortsett å lese «NMS med årsmøte og basar»
Seminar i Norheimsund
«Stå sterke i stormen» er tema på seminar over tre tysdagskveldar i Norheimsund bedehus i mars. Stig Magne Heitmann, fagleg leiar i Åpne Dører, er seminarhaldar.
Han skriv: «Helt fra urkirkens tid har kristne opplevd forfølgelse. I dag er forfølgelsen mer global enn noen gang tidligere. Kristne må lære hvordan de skal kunne være sterke i stormen. De som får undervisning om dette før stormen kommer, står alltid sterkest. Forførelsens fare har også alltid fulgt kirken som en skygge. Den er minst like farlig og utfordrende som forfølgelsen». Det vert ikkje teke seminaravgift, men høve til kollekt på møta. Målet er å få inn kr. 150,- pr. deltakar/samling. Seminaret vil ha undervisning i to bolkar med pause og lett bevertning. Norheimsund Indremisjon står som arrangør, men kollekten går til Åpne Dører sitt arbeid. Boka «Stå Sterke i Stormen» kan kjøpast på møta (kr. 250,-). Møtedatoar: 7. mars, 14. mars og 21. mars kl. 19:00 (NB! Merk tida). Velkomen!
Beskyttet: Årsmeldingar NIM 2016
Songkveld i Øystese bedehus
Måndag 6. februar kl. 20.00 arrangerer Øystese Indremisjon songkveld i Øystese bedehus. Norheimsund og Øystese Ungdomskor står for eit variert program med korsong og allsong. Det blir andakt og kollekt til inntekt for oppussing av bedehuset. Etter møtet blir det enkel servering i sidesalen. Alle er velkomne!
Inspirasjonssamling for smågrupper
Smågrupper i heimane er fint fordi:
• det er fleksibelt, deltakarane kan møtast når det passer, dei bestemmer frekvens på samlingar og kva opplegg dei ønskjer å ha.
• det er enkelt, det krev ikkje lang planlegging eller dyre foredragshaldarar, samlingsstad kan gå på rundgang.
• det er inspirerande, så utruleg gjevanda å dela liv og bibel/bøn med kvarandre, kanskje spesielt om nokon er nytilflytta, også innvandrarar.
• det er strategisk, om me ønskjer nye inn i fellesskapa våre, for det er vel det me vil?!? Det er mykje mindre skummelt å bli med nokon heim enn å gå på offentlege stader, der ein vert observert og plassert.
Det er ein fin plass til å dela tankar, utvikla nådegåver og tenester og oppmuntra kvarandre til leva ut trua i kvardagen og bety noko for kvarandre og andre.
TA MED DEG GRUPPA, OM DU HAR, OG LAT DEG INSPIRERA!
Velkomen til INSPIRASJONSSAMLING for smågrupper
i Norheimsund kyrkje tysdag 31. januar 2017 kl. 19.30, kyrkjelydssalen!
Arr: Agenda1 komiteen i Kvam
Julekonsert i Norheimsund bedehus 7. desember
Onsdag 7. desember kl. 20.00 arrangerer Norheimsund & Øystese Ungdomskor julekonsert i Norheimsund bedehus. Ungdomskoret med solistar og orkester framfører nye og gamle julesongar. Årets gjestar er Ingeborg Haarr Galtung og Audun Galtung. Billettane kostar kr. 150,- for vaksne og kr. 50,- for barn/student. Velkomen til ei fin førjulsstund i Norheimsund bedehus!
